Zeleny štwórtk, 02.04.2026, wotmě so na našej šuli wotměnjawy dojutrowny projekt. Na wšelakich dźěłarničkach móžachu šulerki a šulerjo kreatiwni być, nowe wuspytać a zhromadnje něšto dožiwić. Wuslědki swojeho dźěła kaž tež zaćišće z jednotliwych dźěłarničkow su w krótkich přinoškach a wobrazach zapopadnyli. Wjele wjesela při wotkryću!
projekt: Nalětna floristika
zaměr/wobsah:
W skupinje “Nalětna floristika” su šulerki a šulerjo wěncy z přirodnych materijalijow zhotowili, kotrež hodźa so jako jutrowny dar w swójbje wužiwać. Tak su najprjedy małe hałzy z paskom hromadźe wjazali. Za to běchu trěbne: hałžki, móch, drjewo, łopješka a kwětki. Šulerjo běchu jara pilni a wšitkim so jara lubješe.
Greta Wätzigec 5
projekt: Serbska hudźba
zaměr/wobsah:
Šulerjo zaběrachu so ze serbskej hudźbu. Tadej a Bosćan Donat předstajištaj šulerjam serbske špěwy a powědachu wo stawiznach serbskeje hudźby. Wonaj so tež z hudźbu w syći zaběrataj. Sami tež hudźbu produkuja. Wšitkim so jara lubješe.
Dawid Rebiš 6
projekt: Jutrowne karty
zaměr/wobsah:
W tutej skupinje paslachu so jutrowne karty. Do kartow zapisachu małe kěrluše a teksty. Tute hodźa so w jutrownym času ajko dar wužiwać. Karty su pisane a z zhotowjeja so z papjerca. Prědku su wšelake wobrazy nalěpjene. Projekt bě zajimały.
Dawid Rebiš 6
mjeno projekta: Serbske nowiny – printmedije dźensa
zaměr/wobsah:
Šulerjo tuteje skupiny zeznachu so z wotběhom nastaće nowiny. K tomu słušachu temy kaž natwar nowiny, žurnalistiske žanry, formy wjedźenja rozmołwy a wuhotowanje nowiny. Dalša tema běchu tež “Fake News” – kotry zaměr maja a kak je spóznaješ. Běše to jara zajimały projekt.
Eduard Handrik 8
projekt: Přirodna kosmetika
zaměr/wobsah:
W skupinje “Přirodna kosmetika” zaběrachu so šulerjo z kosmetiku, kotraž nastanje z přirodnych maćiznow. Su to napřikład deo-krema, balzam za hubu abo maćizny za ćělny peeling. Za deo-kremu wužiwachu kokosowy wolij, natron a jědźny škrob. Za balzam za hubu su wužiwali pčołkacy wósk, kokosowy wolij abo wóń. A za ćělny peeling wužiwa so cokor a kokosowy wolij. Bě jara rjenje.
Emma Zyndźic 5
projekt: Jutrowne pruty
zaměr/wobsah:
W projekće “Wiće jutrownych prutow” wijachu šulerjo pruty. To je čěski nałožk. Pruty wobsteja z hałzow, kiž so hromadźe wija. Tute pyša so potom z pisanymi banćikami. Nětko maja dźěći rjany wopyšany prut. Čěscy mjenuje so prut “Pomlazka”.
Henrik Birkhofen 9
projekt: Jutrowne poprjancy
zaměr/wobsah:
W skupinje “Jutrowne poprjancy” su šulerjo najprjedy ćěsto změšeli. Potom su jutrowne poprjancy wukawali. Tute sunychu do pjecy. Hotowy poprjanc so za glazuru z posypkom pomaza. Hotowe posypkowe poprjancy su potom do titkow tyknyli a sebi je naposledk sobu domoj wzali.
Maria Nukec 5
projekt: Wabjenski widejo
zaměr/wobsah:
W projekće “Wabjenski widejo” su šulerjo najprjedy w małych skupinach druhich šulerjow so naprašowali. Prašachu so za jutrownymi temami, za woznamom jutrow a za tym, na što so wosebje wjesela. Tute informacije su potom do wideja zestajeli. Naposledk su sebi widejo zhrmadnje wobhladali.
Henrik Birkhofen 9
projekt: Jutrowne jejka
zaměr/wobsah:
W skupinje “Jutrowny jejka” su jutrowne jejka debili. Bosěrowanje jejkow je serbska tradicija. Tu je małe pjerko trěbne. Wot třiróžka do dypka hodźa so wšitke formy na jejka kuzłać. A wězo stej měrna ruka a wjele wutrajnosće trěbnej. Jejka su za dekoraciju myslene.
Hana Ošikec 5
projekt: Wotpadki
zaměr/wobsah:
Kóžde lěto hromadźa šulerjo našeje šule w dojutrownym času we Worklecach a wokolinje wotpadki. Najhušćišo namakaja při tym zbytki cigaretow a krónki. Nětko mamy zaso čistu wokolinu.
Eduard Handrik 8
projekt: Lišća hońtwa
zaměr/wobsah:
W tutym projekće su šulerjo wšelake matematiske a orientaciske nadawki spjelnili. Za to běchu we Worklecach po puću. Stacije běchu pjekarnja, cyrkej a kupa. Naposledk dóstachu kluč, móžachu zamk wočinić a dóstachu myto.
Florian Schwurack 8
projekt: Nalětne rjedźenje
zaměr/wobsah:
W tutej skupinje su šulerjo na šulskej ležownosći našeje šule njerodź plěli, kěrki třihali a kamjenje zběrali. Nimo toho je so pola kwětkow zemja wuměniła. Tak je šulska ležownosć za nalěćo spřihotowana.
Eduard Handrik 8
projekt: Nalětna přiroda
zaměr/wobsah:
W projekće zaběrachu so šulerjo z nalětnej přirodu. Tak pytachu nalětne rostliny a słuchachu na zwuki z přirody. Wužiwachu za handy z programomaj “Flora Incognita” a “Zwitschomat“. To bě za wšitkich rjane dožiwjenje.
Florian Schwurack 8
