Tež w tutym šulskim lěće měnja naše šulerki a naši šulerjo 7. do 9. lětnika šulsku ławku z dźěłowym městnom. Krjepja pola swojeho dźěda kwětki, šrubuja w awtowej dźěłarni sobu abo sortěruja we wikach twory.

Nadźěłana mzda so potom dari. Z njej zwoprawdźichu so hižo přez połsta socialnych projektow.

Wosebje zwjeselacy je angažement na městnje. Jedyn přikład za to je posledni spěchowany projekt "Młodźina w płomjenjach – zhromadne dźěło mjez młodźinskej wohnjowej woboru Chrósćicy a Serbskej wyšej šulu Worklecy". Zaměr tuteje kooperacije je, naše šulerki a šulerjow we wobłuku cyłodnjowskeho poskitka za dźěło wohnjoweje wobory zahorić a je w zakładach tutoho wažneho wobłuka wukubłać. Při tym kładźe so wosebita wažnosć na teamowy duch, přewzaće zamołwitosće a wukmanjenje techniskeje kmanosće.
Akciski dźeń 2026 přewjedźe so 30.06.2026.

Auch in diesem Schuljahr tauschen unsere Schülerinnen und Schüler der 7. bis 9. Klasse die Schulbank gegen einen Arbeitsplatz. Sie gießen bei ihrem Opa die Blumen, schrauben in der Autowerkstatt mit oder sortieren im Supermarkt die Waren ein.

Der erarbeitete Lohn wird dann gespendet, und dank Ihrer Unterstützung konnten bereits über fünfzig soziale Projekte umgesetzt werden.

Besonders erfreulich ist das Engagement vor Ort. Ein Beispiel hierfür ist das letzte geförderte Projekt "Jugend in Flammen – Zusammenarbeit zwischen der Jugendfeuerwehr Crostwitz und der Sorbischen Oberschule Räckelwitz". Ziel dieser Kooperation ist es, unsere Schülerinnen und Schüler im Rahmen eines Ganztagsangebotes für die Feuerwehrarbeit zu begeistern und sie in den Grundlagen dieses wichtigen Bereichs auszubilden. Dabei wird besonderer Wert auf Teamgeist, Verantwortungsbewusstsein und technische Fertigkeiten gelegt.
Der Aktionstag 2026 findet am 30.06.2026 statt.

Wutoru, dnja 17.3.26 nawječor poda so bus Schmidt-Schwarzec předewzaćela z Budyskimi šulerjemi na puć do Worklec. Po tym, zo běchmy tež my Worklečan šulerjo do busa zalězli, wotjědźe bus wokoło 19:00 hodź. we Worklecach a poda so na dołhi puć do Francoskeje. Běchmy hižo wšitcy cyle napjeći a wjeselachmy so na našu wuměnu z bretonskimi šulerjemi.

Na přichodnym dnju dojědźechmy sej dopołdnja do Parisa. Běchmy wšitcy hišće jara mučni, dokelž njeběchmy w busu tak derje spali. Ale to běše nam w tutym wokomiku wšojedne, wšako mějachmy hižo prěni krasny wid na Paris. Na horiconće wuhladachmy samo hižo Eiffelowu wěžu.

Wotstajichmy naše kófry w hotelu a podachmy so z Metro do města. Jako prěnje běchmy při Louvre, najwjetšim wuměłstwowym muzeju swěta, kiž je za swoju škleńčanu pyramidu znaty a kiž wobsahuje swětoznate wuměłske twórby. Loni bě so tam něchtó zadobył a krónowe juwele pokradnył. Zdaloka widźachmy Triumfowy wobłuk. Dale dźěše ke katedrali Notre Dame. Tuta bě so 2019 wotpaliła, restawrowała a 2024 znowa wotewrěła. A zo njebychmy sej tute a dalše zajimawostki jenož nimo běhajo wobhladali, dóstachmy nadawk, so wo zajimawostkach Parisa informować a sej tute mjez sobu předstajić.

Štwórtk, 19.3.26 podachmy so z busom do Versailles. Wobhladachmy sej tam swětoznaty hród krala Ludwiga XIV. wot nutřka a běhachmy po wulkim krasnym parku, kiž so při hrodźe přizamknje. Popołdnju wróćichmy so do Parisa. Nětko bě skónčnje tak daloko: jědźechmy z Metro hač k Eiffelowej wěži. Podachmy so wězo tež z liftom na wěžu horje. Při najrjeńšim słónčnym wjedrje mějachmy wulkotny wuhlad přez Paris! Wječor wopytachmy kapałku Sacre-Coeur na hórce Montmartre. Wot tam horjeka skićeše so nam krasny napohlad na nócny Paris.

Pjatk, 20.3.26 wopušćichmy Paris a jědźechmy z busom dale do Bretoniskeje. Kónc tydźenja přebywachmy w našich hóstnych swójbach.

Póndźelu, 23.3.26 wopytachmy bretonsku šulu. Nimo toho, zo wopytachmy bretonsku wučbu, běchu za nas tež wšelake stacije wo žiwjenju w Bretonskej přihotowane. Tak pječechmy Crepes a nawuknychmy bretonski spěw. Popołdnju jědźechmy z busom k Atlantikej a wobhladachmy sej swětłownju.

Wutoru, 24.3.26 zhonichmy wjele wo bretonskich płachtakach w płachtakowym muzeju. Po tym wobhladachmy sej twjerdźiznu w Concarneau při brjohu Atlantika.

Srjedu je w bretonskich šulach swobodnje, tohodla běchmy zaso cyły dźeń w našich hóstnych swójbach.

Štwórtk, 26.3.26 běchmy w měsće Quimper a wopytachmy Muśee départmental, bretonski muzej, w kotrymž wjele wo kulturje a drastach Bretonow zhonichmy. Popołdnju jědźechmy hišće raz z busom k Atlantikej a wobhladachmy sej nahły brjóh pola Pointe du Raz.

Pjatk dopołdnja, 27.3.26 dóstachmy wjedźenje přez katedralu w Quimper. Po tym přebywachmy hišće chwilku w měsće, zo bychmy my sej souveniry a chłóšćenki nakupowali. W 13:30 hodź. bě potom zaso tak daloko: połnje spakowani podachmy so k busej a wotjědźechmy hižo zaso domoj do Łužicy.

Za wšitkich běše to njezapomnite dožiwjenje a wjeselimy so hižo na dalši wopyt bretonskich šulerjow klětu we Łužicy!

Henrik Birkhofen

 foto: T. Bulank

Šulerjo dźesateho lětnika Serbskeje wyšeje šule Worklecy wobdźělichu so zašły tydźeń na zwjazkowym finalu Młodźina trenuje za Olympiju w Berlinje. Za to kwalifikowachu so w januaru z bjezporočnym dobyćom sakskich mišterstwow. Wutoru rano podachu so šulerjo z ćahom do němskej stolicy a zaćahnychu do hotela. Srjedu dyrbjachu hižo zahe z łoža, wšako běchu w skupinje, kotraž dopołdnja swoje hry hraješe. Wolejbulisća so tak prawje do prěnjej hry bohužel njenamakachu a prěnju sadźbu wotedachu. Druhu sadźbu za to sebjewědomići wustupowachu a jasnje za sebje rozsudźichu. Startowachu potajkim hnydom z Tie-Breakom do wubědźowanja. Tutón tež jara sylnje započinachu, naposledk pak njetrjebawši wotedachu. Tuta poražka sedźeše hólcam hłuboko we hłowach, dla čehož tež slědowacu druhu hru wotedachu. W třećej hrě dnja mějachu so ze sylnym mustwom z Mnichowa měrić. Poprawom sej tu žane šansy njewulićichu, po přěhratej prěnjej sadźje pak w druhej pokazachu, što w nimi tći. Nawjedowachu z 21:17 dypkami, doniž sudnik wopačny rozsud twori. Štož je poprawom jenož jedyn dypk hódne, zaběraše šulerjow tak jara, zo sadźbu naposledk z 22:25 wotedachu. Mnichowčenjo běchu pjatk w finalu zastupjeni, tam pak na mustwo z Berlina podležachu.

Z tym hrajachu štwórtk wo městna 13-16. Hnydom wjacori hosćo z Łužicy běchu sej do Berlina dojěli, zo bychu mustwo podpěrali. Starši a přećeljo mócnje sobu wyskachu, tak zo běchu tež přez zjawny stream słyšeć. Tež zranjeny kapitan mustwa Jurij Bobka do stolicy přijědźe a mustwo z ławki sem podpěra. Dobra nalada w hali motiwowaše šulerjow a tuž tući na polu swoju klasu prawje wuhrachu. Přečwiniki sej w prěnjej sadźbje žanu radu njewědźachu. W druhej sadźbje běchu přečiwiki sylniše a wosebje z preciznymi bulemi krótko za blokom přeco zaso dypkowachu. Wuwi so napjata hra, kotruž Worklečenjo za sebje rozsudźichu a móžachu so skónčnje tež nad dobyćom wjeselić. Jara napjata hra wo 13. městno wotměješe so na samsnym niwowje. Prěnju sadźbu šulerjo ze Sakskeje za sebje rozsudźichu, druhu šulerjo ze Saksko-Anhaltskeje. W Tie-breaku běše bohužel napinanje pytnyć a hra so woteda. Najprjedy trochu přesłapjeni šulerjo pak so w běhu tydźenja hišće přez kwalbuhódne 14. městno wjeselichu.

Nimo wolejbula wopytachu šulerjo tež mjetańcu sjredu wječor we wupředatej Max-Schmelingowej-hali, hdźež dožiwichu přewšo dobru naladu nad jara snadnym dobyćom Berlinskich Liškow. Tež město sej wobhladachu a Elaine Jensch organizowa za skupinu zetkanje ze zwjazkowej ministerku za sport a ćestnohamt knjeni dr. Christianu Schenderleinowu. Tu mějachu zajimawu rozmołwu wo jeje dźěło a naslědnje jara zajimawe wjedźenje přez twarjenja zwjazkoweho sejma. Tež Braniborske wrota, Alexandrowe naměsto abo telewizijnu wěžu sej wobhladachu.Z kopicu nowych nazhonjenjow, impresiow a zaćućow podachu so sobotu zaso do Łužicy, hdźež šulerjow nětko zaso zakónčace pruwowanja wočakuja.

Worklečan šulerske mustwo: Gabriel Šiman, Markus Ričl, Tiberius Statnik, Syman Wowčer, Kilian Cyž, Tadej Krječmer, Jakub Zimmermann a Jurij Bobka.

Šulerjow přewodźeštaj Křesćan Bejmak a Šćěpan Wjeńka

Schüler der 10. Klasse der Sorbischen Oberschule Räckelwitz nahmen vergangene Woche am Bundesfinale „Jugend trainiert für Olympia“ in Berlin teil. Nach dem Gewinn der sächsischen Meisterschaft im Januar vertraten sie Sachsen im Volleyballwettbewerb. Trotz starker Konkurrenz und knapper Niederlagen erreichte die Mannschaft am Ende einen beachtlichen 14. Platz in Deutschland. Neben den Spielen erlebten die Schüler auch ein abwechslungsreiches Programm in Berlin mit Stadtbesichtigungen, einem Handballspiel sowie einem Besuch im Bundestag und einem Treffen mit Bundesministerin Dr. Christiane Schenderlein. Begleitet wurde die Mannschaft von Christian Böhmak und Stephan Wenke.

Wolejbulowe mustwo Serbskeje wyšeje šule Worklecy je njewočakowano finale šulskeho wubědźowanja „Młodźina trenuje za olympiju“ dobyło. Po napjatych hrach přećiwo sylnej konkurency z Drježdźan a Kamjenicy so team z wulkim zasadźenjom a teamowym duchom přesadźi. Wosebje w finalu dopokazachu hrajerjo sylnosć čuwow a rozsudźichu třeću sadźbu jasnje za sebje.

Die Volleyballmannschaft der Sorbischen Oberschule Räckelwitz hat überraschend das Finale des Schulwettbewerbs „Jugend trainiert für Olympia“ gewonnen. In spannenden Begegnungen gegen starke Teams aus Dresden und Chemnitz überzeugte die Mannschaft mit großem Kampfgeist, starkem Zusammenhalt und einer beeindruckenden Leistung. Vor allem im Finale bewiesen die Spieler starke Nerven und entschieden den entscheidenden dritten Satz souverän für sich.