Minjenu wutoru, 23.01.2024 mějachmy wjeselo, šulerjow 4. lětnika z Worklec, Chrósćic, Pančic-Kukowa a Ralbic na našej šuli witać směć. Cyłkownje 65 wćipnych hłójčkow je sej na tutym dnju dohlad do našeho šulskeho žiwjenja zdobyło.
Šulerjo mějachu składnosć w napjatych předmjetach kaž fyzika a chemija počuchać a sej swoje talenty w sporće a hudźbje wotkryć. Naši angažowani wučerjo a šulerjo 10. lětnikow běchu hosćom při tym ze słowom a skutkom poboku.
Po powučnych hodźinach dawaše zhromadna wobjedowa přestawka, w kotrejž móžachmy so při samozhotowjenych plincach a słódnej pizzy skrućić. Zhromadnje přežiwichmy zabawny čas, w kotrymž móžachu so šulerjo lěpje zeznać a wuměnjeć.
wobrazy: Feliks Haza
Zašłu srjedu, 17. januara 2024 wopyta kultusowy minister Christian Piwarz našu šulu a přepoda spěchowansku srědki něhdźe 1,9 milion eurow. Z tym podpěruje Swobodny stat Sakska wohnjoškit a přitwar lifta na šuli. Cyłkowne twarske kóšty wučinjeja něhdźe 3,1 milionaj eurow. Předewzaće ma hač do 2026 zakónčene być.
